Scorpiooooon

STJÖRNUSPÁSporðdreki: Þú þarft ekki að reyna að vera umhyggjusamur núna. Þú hefur sannan áhuga á öðrum og hugar því að tilfinningum þeirra. Þér verður sýnt mikið þakklæti....

þetta las ég í stjörnuspá dagsins í dag  Fyrst ég er farin að skrifa um stjörnumerki, er bara eins gott ég klári bara og setji hér áframhald um Sporðdrekann ... mig!! 

Árstími Sporðdrekans er mitt haustið

 Á þessum tíma styttist dagurinn óðfluga og skammdegismyrkrið eykst. Gróðri hnignar, lauf eru fallin af trjám, frost sest í jörð og veður versnar. Fyrir Sporðdrekann er þessi tími mótandi og setur mark sitt á sálina. Hann er því heldur dulur og lifir töluvert í eigin heimi.TilfinningarSporðdrekinn er tilfinningaríkur og frekar varkár. Að öllu jöfnu virðist hann hægur og rólegur á yfirborðinu, en tilfinningar ólga oft undir niðri. Hinn dæmigerði Sporðdreki er kjarnyrtur og hreinskilinn og lítið fyrir yfirborðsmennsku. Þegar sagt er að Sporðdrekinn sé dulur þarf að hafa eitt í huga. Hann er næmur og tekur tilfinningar og líðan annarra inná sig. Hann heldur fólki því oft frá sér í varnarskyni. Hann vill kafa djúpt ofan í það sem hann tekur fyrir og er því lítið fyrir yfirborðskenndan kunningsskap eða samræður. En þegar hann er með fólki sem hann treystir fyrir tilfinningum sínum er hann alls ekki dulur. Þá er hann oft stjórnsamur og opinskár og á til að ræða hvað sem er.

Sporðdrekinn getur því verið dulur og lokaður gagnvart ókunnugum, en að öðru leyti kjarnyrtur og opinskár.StjórnsemiSporðdrekinn er eitt af stöðugu merkjunum. Það táknar að hann er fastur fyrir og ósveigjanlegur í persónulegum stíl sínum og viðhorfum. "Nei, þetta geri ég aldrei," segir hann og verður ekki haggað. Þó hann geti virst rólegur á yfirborðinu er hann ráðríkur og stjórnsamur. Hann vill ráða, að minnsta kosti yfir eigin umhverfi og lífi.HeilindiSporðdrekinn er skapstór og tilfinningaríkur og tekur ákveðna afstöðu með eða á móti mönnum og málefnum. Hann vill ganga heill að hverju verki, hvort sem er um vinnu, ást eða áhugamál að ræða. *rétt*  Hann er lítið fyrir hálfkák og vill komast til botns í hverju máli. Sporðdrekinn er því ekki maður sem á auðvelt með að skipta sér á milli margra ætlunarverka. 

Annars einkenndist dagurinn af SPÁNARRIGNINGU .. þeas bullandi, hellandi, mígandi úrhellis rigningu  þetta er búið að vera svona í nokkra daga, þessi úrhellis rigning sem kemur nokkrum sinnum á dag.. gott að hún stoppar á milli, annars er ég viss um það myndi flæða innnnnnnnnnn 

En sól í sinni  það verður að duga mér að þessu sinni (hehe rímar flott!!)  þó sinni sé annað en sinni eða þannig sko     Bræður mínir ásamt eiginkonum í brjálæðislegum hita á Spáni og sendi þeim hlýjar kveðjur - en hinum sem kíkja sendi ég ljúfar ljósakveðjur fram að Ljósanótt!!  ** 

Athugasemdir

[Ásthildur Cesil Þórðardóttir, 28.8.2008 kl. 21:34]

Flott færsla hjá þér kæri sporðdreki  Hafðu það sem best, fram að næsta sólardegi, en sól í sinni er eiginlega betri en hin sólin, því það skiptir okkur miklu máli að láta okkur líða vel. 

[Guðný Bjarna, 29.8.2008 kl. 12:44]

flottur sporðdreki !!! ...kveðja og helgarknús 

PS. ..rigningin er næring jarðar og nauðsynleg til að sólin fái að hita hana upp míinn ágæti sólardýrkandi !!